White, Maroon, 2-0 na sa SRP Sunday Club caging

CEBU, Philippines -  Miiskor og managlahing kadaugan ang team White ug Maroon aron magpabiling walay pilde sa nagpadayong aksiyon sa SRP

Sunday Club Christmas League 2013 basketball tournament niadtong Domingo didto sa San Roque Parish gym sa barangay Subangdaku,

dakbayan sa Mandaue.

 Ang White igo lang midaog og tres puntos batok sa Violet sa iskor nga 72-69, samtang ang Maroon yano kaayong mirehistro sa

ilang ikaduhang daog pinaagi sa paglubong sa Green, 74-57.

 Sa kasamtangan, ang White ug Maroon temporaryo karong nagsawo sa unang dapit sa standing sa managsama nilang 2-0 win-

loss records.

 Si Alex Cabase miarangkada dayon sa first quarter diin mirehistro siya'g 10 puntos nga nakatabang og daku sa White

paglansang og tres puntos nga labaw sa halftime, 36-33.

 Bugtong si Cabase lang ang miduslit og double figures alang sa White sa kinatibuk-an niyang 16 puntos.

 Miburot ang labaw sa White ngadto sa double digits sa third period, ning higayona ubos sa giya sa kanhi UV Green Lancer

Rene Grafe, kinsa miugkat og sayes puntos sa maong kuwarter aron makabentaha og daku ang iyang koponan, 54-43 paingon sa final

period.

 Misikit ang Violet sa katapusang 2:30 sa final period, 63-64 sa kombinasyon nilang Fick Hanzel ug Ronnie Alvarado, apan

nakahimo ang koponan og tulo ka sunod-sunod nga turnovers hinungdan nga daling mitubo pagbalik ang labaw sa White, 70-63 sa

nahabiling 1:20 sa duwa.

 Si Joel Aniñon mao lang sab ang miiskor og double figures sa iyang 13 puntos aron pangulohan ang Violet nga nagbitbit og 1-1

nga baraha.

 Sa laing bahin, ang Maroon nagsalig sa trayanggulo nilang Benito Aton, Marcial Marturillas ug Dindo Aposaga nga yano

kaayong midemolis sa Green team.

 Nakabentaha unta ang Green sa sayong bahin sa third quarter, 38-36 human sa 3-pointer ni Larry Lauron, apan gisuklian kini og

walo ka sunod-sunod nga triples ni Aton aron ilogon pagbalik ang labaw, 45-36  ug wala na kini molingi pa sukad niadto.

 Si Aton maoy topscorer sa Maroon pinaagi sa iyang 19 puntos lakip na ang duha niya ka krusyal nga 3-point shots sa third

period.

 Sila si Marturillas ug Aposaga mitimbre'g 18 ug 17 puntos alang sa kadaugan. Ang Green nga adunay 1-1 nga rekord

gipangulohan ni Edjun Ipili nga mikimada og 20 puntos, gisundan ni  Lauron nga adunay 10 puntos.

 Ang mga duwa sa SRP Sunday Club ubos sa ilang presidente Rom Castañeda gidumala ni league commissioner  Monching

Menaling uban nilang Juvenal Perolino ug Van-Van Amora. (BANAT NEWS)

PUNTOS MATAG USA

Unang duwa:

 WHITE (72) - Cabase 16, Ortiz 8, Sagayno 8, Grafe 8, Zabate 6, Auxtero 6, Cabcaban 6, Obenza 6, Colina 4, Abatayo 3

 VIOLET (69) - Aniñon 13, Hanzel 9, Paciencia 8, Arreglo 6, Alvarado 6, Pelarios 6, Amora 5, Miñoza 4, Migallen 4, Jamili 2, Pilapil

2

Ikaduhang duwa:

 MAROON (74) - Aton 19, Marturillas 18, Aposaga 17, Cariño 9, Castro 7, Supangan 2, Alejandro 2

 GREEN (57) - Ipili 20, Lauron 10, Bacunawa 8, Andrew 6, Paciencia 4, Feniza 3, Cabrillas 2, Tecson 2, Pon 2