Gaisano Country Mall mopasiugda'g: 20th Anniversary Run sa Oktubre 13
CEBU, Philippines - Nunot sa pagsaulog sa ilang ika-20 nga anibersaryo, ang Gaisano Country Mall mopasiugda og lumba nga uloha'g"Anniversary Run" karong Oktubre 13 diha sa hawanan sa maong mall.
Ang lumba gibahin ngadto sa 5K, 10K ug 15K categories.
Kini ang ikaduhang edisyon sa maong lumba, ang unang Gaisano Country Mall Run niadto pang 2011 gipahigayon.
"We expect a thousand runners to participate in this race because this is bigger than the previous one," matud pa ni Gaisano Country Mall’s store operations manager Chairmaine Suson atol sa press conference kagahapon didto sa Lighthouse Restaurant sa Gaisano Country Mall.
Gawas nga kabahin sa pagsaulog sa ilang anibersaryo, ang lumba magsilbe usab nga fund-raising event diin ang Club in Unity for Restoration through Empowerment (CURE) Foundation maoy ilang beneficiary.
Ang CURE usa ka foundation nga motabang sa mga batan-ong babaye nga biktima sa sex abuse ug human trafficking.
Kapin sa P70,000 ang giandam nga ganting salapi nga iapud-apod ngadto sa mga mananaog sa matag dibisyon, samtang ang tanang finishers sa 15K division makadawat og medalya matag usa.
Ang registration fee nagkantidad og P300 sa 5K, P350 sa 10K ug P500 sa 15K libre na niini ang snacks, loot bag, singlet ug raffle ticket.
Mahimong magparehistro didto sa RUNNR sa Ayala Center Cebu, Gaisano Country Mall’s Customer Service Counter ug ARC sa Raintree Mall.
- Latest
