Vipers 5-0 sa barkadahan
CEBU, Philippines - Nagsolo karon sa liderato ang Vipers sa ilang 5-0 nga baraha sa nagpadayon nga Barkadahan Pre-Season MVP Group of Companies basketball tournament didto sa PLDT gym sa dan A.S. Fortuna sa dakbayan sa Mandaue.
Bag-o lang mihagdaw og sagunson duha ka daog ang Vipers dihang nakaipsot sila batok sa SME, 62-60 kaniadtong Agosto 30 ug laing daog pinaagi sa forfeiture batok sa Sun-Disers niadtong Lunes, Septiyembre 2.
Nahimutang sa ikaduhang pwesto ang Smart-A kinsa naghupot og 3-0 nga baraha samtang anaa sa ikatulong pwesto ang Smart-B sa ilang 3-1 nga baraha.
Ang TV5 kinsa nagsugod og back-to-back nga kadaugan, anaa sa ika-upat nga pwesto sa ilang 3-2 nga baraha. Ang DTABNK adunay 2-1 nga baraha ug ang Sun-Disers kinsa maoy gipilde sa Vipers adunay 2-2 nga baraha ug maoy nahimutang sa kinaubsan sa team standings ang SME sa ilang 1-3 nga baraha.
Midaug unta ang TV5 batok sa Sun-Disers, 75-57 apan kalit lang silang nahiagom og sagunson duha ka pilde---54-64 batok sa Vipers ug 58-79 batok sa Smart-A.
Sa laing duwa, midaug ang Smart-B batok sa SME, 58-52 niadtong Agosto 31. (BANATSPORTS)
- Latest
