Ortuoste, Dela Cruz nagbida sa panalo: Generals tiklop sa Stags

Laro Bukas

(The Arena, San Juan)

4 p.m. St. Benilde vs Mapua

6 p.m. EAC vs Perpetual

MANILA, Philippines - Kasabay ng pagpigil sa kanilang tatlong sunod na kamalasan ay winakasan naman ng Stags ang three-game winning streak ng Generals.

Umiskor si Jon Kervin Ortuoste ng 27 points, habang kumolekta si Jovit Dela Cruz ng 25 points, 11 rebounds at 5 assists para tulungan ang San Sebastian College sa 90-69 panalo laban sa Emilio Aguinaldo College sa second round ng 89th NCAA men’s basketball tournament kahapon sa The Arena sa San Juan City.

Huling nanalo ang Stags noong Hulyo 22 nang gibain ang Generals, 81-74.

Tumabla ang San Sebastian sa Jose Rizal University sa ikaapat na  puwesto mula sa magkatulad nilang 5-5 baraha sa ilalim ng Letran (9-1), three-time champions San Beda (8-2) at Perpetual (8-2) kasunod ang St. Benilde (4-5), EAC (4-6), Lyceum (3-6), Arellano (3-7) at Mapua (1-9).

Matapos makalapit ang Generals sa 57-61 sa 9:51 ng fourth quarter buhat sa basket ni Jose Remy Morada II ay nagpakawala ang Stags ng isang 11-1 atake mula kina Dela Cruz, Jon Kervin Ortuoste, Bradwyn Guinto at Ranimark Tano para kunin ang 72-58 bentahe sa 6:58 ng laro.

Isang 15-6 bomba ang inihulog nina Dela Cruz, Ortuoste at Mark Anthony Trinidad para ibigay sa San Sebastian ang isang 23-point lead, 87-64, laban sa EAC sa huling 1:22 nito.

Sapat na ito para makamit ng Stags ang panalo laban sa Generals.

Nagdagdag Leodaniel De Vera ng 14 markers kasunod ang 9 ni Guinto.

Pinangunahan naman ni Nigerian import Noube Happi ang EAC mula sa kanyang 16 points.

San Sebastian 90 -- Ortuoste 27, Dela Cruz 25, De Vera 14, Guinto 9,Tano 6, Trinidad 3, Padilla 2, Magno 2, Perez 1, Aquino 1, Rebollos 0, Balid 0.

EAC 69 -- Happi 16, Paguia 10, King 10, Arquero 10, Jamon 8, Onwubere 4, Hiole Manga 2, Mejos 2, Munsayac 2, Tayongtong 2, Morada 2, Monteclaro 1.

Quarterscores: 13-20; 43-40; 61-55; 90-69.