Tan nakapanalipod sa iyang korona

CEBU, Philippines - Napanalipdan sa Cebuana Triathlon princess Rochelle Tan ang iyang korona sa Cebu leg sa National Age-

Group Triathlon (NAGT) series niadtong Domingo didto sa Alegre Beach Resort and Spa sa lungsod sa Sogod sa

amihanang bahin sa Sugbu.

 Naiwit si Tan batok ni Loveleinell Casidsid sa langoy, apan nakaapas siya  pinaagi sa bike event nga naghawan

sa iyang agianan aron makabuylo sa lumba na sa dagan.

 Bisan pa'g mas hinay ang oras sa dagan ni Tan itandi ni Casidsid, ang iyang overall output nga tulo ka oras, 16

minutos ug  22  segundos  igo na  kaayo alang kaniya aron magpabiling  labing  maayong female triathlete sa Sugbu.

 Si Casidsid naulahi lang og 29 segundos ni  Tan, samtang si Liana Pastrano mi-oras og 3:22.53 aron mo-

okupar sa ikatulong dapit.

 Sa men's division, si Noy Jopson pakyas sa iyang kampanya alang sa "grandslam" dihang napilde siya ngadto ni

Earl Bilangdol.

 Si Bilangdol mitabok sa finish line sa oras nga 2:25.40. Si Jopson mioras og 2:27.30, samtang si Gerrie

Calinawan mikapyot sa ikatulo sa oras nga 2:27.40.

 Ang amahan ni  Rochelle nga si Tyrone Tan naghari sa 40-44 division human niya gitapos ang lumba sa oras

nga 3:16.17.

 Lain pang age-group winners  naglakip nilang Lilia Fiona Tudtud (39-under), Emily Quianson Estrada (40-

above), Jefferson Tabacon (19-29), Jan Dennis Sinda (30-34), Randy Gilves (35-39) ug Shangri-La Resort and Spa

general manager Juergen Doerr (45-above). (BANAT NEWS)