Flying V gimasaker sa CCBI
CEBU, Philippines - Gimasaker sa Chamber of Customs Brokers Inc. (CCBI) ang Flying V, 120-72 alang sa ilang 3-0 nga baraha
sa HoopStars Corporate League niadtong Lunes didto sa J Centre Mall rooftop gym sa dalan A.S. Fortuna, Mandaue
City.
Ikaduha kining higayon sa CCBI nga midaog og labing menos 40 puntos. Una batok sa SMY Packaging diin
ila kining gilubong og 46 puntos, 87-41. Sa tulo ka duwa sa CCBI, ang Accenture lang ang wala nila malubong og
maayo, 90-71.
Lima ka players sa CCBI ang mibahog og double figures nga gipangulohan ni ex-USJR pointguard Kenneth
Maningo, kinsa mipabuto og 22 puntos.
Ang kanhi shooter sa UC nga si Daniel Enriquez midugang og 18 puntos ug silang Beking Rollon ug Ramil Aniñon miamot
og 16 puntos matag usa.
Silang Lexter Caparoso ug Adonis Obina maoy nangu sa Flying V nga nagkumboya og 48 puntos. (BANAT NEWS)
PUNTOS MATAG USA
CCBI (120) - Maningo 22, Enriquez 18, Aninon 16, Rollon 16, B. Medalle 15, Real 8, Villaronza 8, Elloren
8, Sesante 6, Palero 3
Flying V (72) - Caparoso 25, Obina 23, Inihao 8, Ibao 6, Boholst 4, Unabia 2, Cariego 2.
- Latest