RCAF midemolis sa Quiot Proper

 CEBU, Philippines - Gidemolis sa team RCAF ni team owner Romero Faunillan ang Quiot Proper, 113-86 aron moposte sa ilang ikaduhang daog sa 2nd Upper Bayanihan Catholic Association (UBCA) basketball tournament niadtong Domingo didto sa barangay Quiot Sports Complex, ning dakbayan.
 Ang RCAF nga maoy nagkontrolar sa duwa gikan sa pagsugod, gipangulohan ni Danrey Baclay, kinsa miposa og 28 puntos, samtang ang pointguard nga si Evans Sevellejo midugang og 20 puntos.
 Si Rommel Garcia miamot og 10 puntos alang sa RCAF, kinsa nagbitbit na karon og 2-0 nga baraha.
 Ang Quiot Proper gipangulohan nilang Eddie Roma  ug  Arnel   Abellanosa nga   nagkumboya og  50 puntos.
 Sa sayo pa,  ang defending champion Grace Bostolits ni team owner Grace Petiluna milubong sab sa UBCAMP Magic sa iskor nga 120-105.
 Ang three-point artist nga si Toly Petiluna  maoy nangulo sa kadaugan nga miburak og 33 puntos ug ang tanan niyang puntos gikan sa three-point area.
  Samtang sila si Tom Villaso ug Jessie Rudinas mao usab ang nangu sa UBCAMP sa ilang 30 ug 25 puntos matag usa.
 Midaog usab ang Suran Team nga gipaluyohan sa Mariquit Aqua Ventures batok sa ICC Pharmacy sa iskor nga 91-84.
 Si Predan Selumbres maoy nangu sa Suran pinaagi sa iyang 21 puntos, gisundan ni Robert Abasolo nga adunay 18 puntos,  samtang ang ICC Pharmacy gipangulohan nilang Nhunon Cagakit ug Barak Lasque nga nagkumboya og 37 puntos. 

PUNTOS MATAG USA

Unang duwa:
 GRACE (120) - Petiluna 33, Abacajan 17, N. Llamedo 16, Patrimonio 14, Murillo 12, Malalay 10, Di. Dela Peña 7, Francisco 3, Bonbon 2, Llanura 2, Pizon 2, Ochigue 2
 UBCAMP (105) - Villaso 30, Rudinas 25, Naces 18, Zaballero 13, Pescadero 7, Bolongon 6, Delima 4, Nacorda 2
Ikaduhang duwa:
 RCAF (113) - Baclay 28, Sevellejo 20, Garcia 10, Calvo 9, Faunillan 8, Petallar 8, Medina 8, Jimmy 8, Villantes 6, Ramirez 6, Manliguez 2
 QUIOT (86) - Roma 31, Abellanosa 19, Fabria 8, Intud 8, Osorno 6, Murillo 6, Allera 6, Yap 2

Ikatulong duwa:
 SURAN (91) - Selumbres 21, Abasolo 18, G. Tuburan 14, Gabonia 10, Sabandeja 10, A. Tuburan 7, Borces 7, Pañares 4
 ICC PHARMACY (84) - Cagakit 22, Lasque 15, Padillo 11, L. Dela Peña 6, Lawas 6, Dada 6, D. Dela Peña 6, Palma 4, Lopez 4, Saban 4  (BANAT NEWS)