Nishioka nangangamba kay Donaire

 MANILA, Philippines - Aminado si Japane­se challenger Toshiaki ‘Speed King’ Nishioka na hindi birong makalaban si unified world super bantamweight champion Nonito ‘The Filipino Flash’ Donaire, Jr. dahil sa pabagu-bago nitong istilong ginagamit sa bawat laban.

“His pattern is diffe­rent from fight to fight so I will have to see how he comes out. But either way I’ll fight my fight,” wika ni Nishioka kay Donaire na min­san ay gumagamit ng kanan sa kabila ng kanyang pagiging kaliwete.

Hahamunin ng 36-an­yos na si Nishioka ang 29-anyos na si Donaire bu­kas (Manila time) sa Ho­me Depot Center sa Ca­lifornia, USA.

Ayon kay Nishioka, hindi pa natatalo sa loob ng walong taon at sumasakay sa isang 16-fight winning streak sa kasalukuyan, hahayaan niyang gumalaw si Donaire bago siya mag-adjust.

“It really doesn’t matter how they come at me,” sabi ni Nishioka. “I adjust in the fight. So I use that in the fight.” 

Idedepensa ni Donaire (29-2-0, 18 KOs) ang kanyang mga suot na WBO at IBF super bantamweight titles laban kay Nishioka (39-4-3, 23 KOs) at pag-aagawan din nila ang WBC Diamond super bantamweight crown at ang Ring Magazine belt.

Ang 18 na nakalaban ni Donaire ay pinabagsak niya sa pamamagitan ng kanyang matulis na left hook na ayon kay Nishioka ay kanyang pag-iingatan. 

“I’m not sure if he is going to use it. We’ll see how the game plan goes. I’m looking out for the left hook,” said Nishioka,” sabi ni Ni­shioka, ang WBC Emeritus super bantamweight titlist, sa sandata ni Donaire.

Nabigo si Donaire na mapatulog sina Omar Narvaez, Wilfredo Vazquez, Jr. at Jeffrey Mathebula sa kanyang huling tatlong laban matapos magtala ng isang KO win noong Pebrero ng 2011 nang pahigain niya si dating world champion Fernando Montiel sa second round para agawin sa Mexican ang WBO at WBC bantamweight titles.