Blue team mipilde sa Limasawa

CEBU, Philippines - Gipakuratan sa Blue team ni Bureau District Collector Ronnie Silvestre ang Limasawa Customs Brokerage pinaagi sa pag-iskor og 89-87 nga kadaugan niadtong Huwebes sa 3rd Major Alfonso Abbariao Cup 2012 basketball tournament didto sa Benedicto College gym, Mandaue City.

Nakugang ang Limasawa sa depensa nga gipatuman sa Blue team ug napugngan ang ilang running game.

Sayo kaayong miabante og double figures ang Blue team ug ila kining nakontrolar sud sa tulo ka kuwarter sa giya sa ilang bigmen nga sila si Rizzan Herbito, Ferdie Laraga ug Taba Laborte.

Mikalit og aslom ang mga tirada sa Blue team nga naghatag og higayon sa Limasawa pagposte og 26-18 run kortesiya nilang Francis Palero, Taks Moral ug Nards Sagarino. Nakatabla pa ang Limasawa, 87-all human sa free throws ni Palero sa nahabiling otso segundos. Apan si Laraga miiskor og crucial lay-up atol gyud sa paghuni sa buzzer nga nakaluwas sa Blue team.

Si Herbito maoy nangu sa Blue sa iyang 26 puntos, si Laraga miamot og 16 puntos, samtang si Laborte midugang og 14 puntos.

Ang Limasawa gipangulohan nilang Palero ug Moral kinsa nagkumboya og 41 puntos.

Sa laing duwa, ang Green team yano kaayong milubong sa   Avenido Customs Brokerage sa iskor nga 95-78.

Puntos Matag Usa

Unang duwa:

Blue (89) - Herbito 26, Laraga 16, Laborte 14, Bondoc 7, Canete 6, Manahan 5, Gornez 4, Silvestre 4, Mabalo 3, Bacalla 2, Cabahug 2

LIMASAWA (87) - Palero 24, Moral 17, Sagarino 14, Villaronza 12, N. Petracorta 6, Largoza 4, Manlosa 4, Pagangpang 2, J. Petracorta 2, Solana 2

Ikaduhang duwa:

GREEN (95) - Mose 17, Medalle 16, Montenio 15, Rabago 12, Javellana 10, Gabica 8, Apuya 6, Paghasian 5, Cabrera 4, Alipante 2.

AVENIDO (78) - Sala 14, Castillo 10, Mondin 8, Lim 8, Cayanong 8, Arevalo 7, Tandas 6, Batoon 6, Avenido 5, Francia 4, Inhambre 2. (BANAT NEWS)