Team USA pasok na sa quarters matapos durugin ang Argentina
LONDON--Nakamit ng United States ang kanilang tiket sa quarterfinal round mula sa pagtatayo ng malinis na 5-0 record sa 30th Olympic Games.
Ngunit sa 126-97 pagdurog ng US sa Argentina, halos magrambulan ang dalawang koponan.
Ito ay dahilan sa pagsalampak sa sahig ni Carmelo Anthony hawak ang kanyang ari dahil sa panununtok ni Argentinian guard Facundo Campazzo.
“Campazzo got hit in the [groin], too,” sabi naman ni Argentina star forward Luis Scola. “That stuff happens.”
Dinomina ng United States ang Argentina kung saan nagsalpak si Anthony ng isang 3-pointer sa pagtatapos ng third quarter kasunod ang panununtok sa kanyang ari ni Campazzo.
“Because before, Chris Paul punched me,” sabi ni Campazzo.
Sinabi ni Campazzo na hindi siya hihingi ng paumanhin kay Anthony.
“No,” sagot ni Campazzo. “Chris Paul didn’t apologize to me.”
Nakadikit ang Argentina sa 59-60 sa halftime at tila tutularan ang pagpapahirap ng Lithuania sa United States.
Gumawa si Kevin Durant ng 17 sa kanyang 28 points sa isang 43-point production ng USA, lalabanan sa quarterfinals ang Australia sa Miyerkules, sa third quarter.
- Latest
- Trending