Cebuano players nidominar sa Maasin dartfest
CEBU, Philippines - Gidominar sa Cebu Niños nga gibitoonan sa mga sakop sa City Hall Employees Darts Association (CHEDA) ang Gov. Damian G. Mercado Cup National Darts Tournament didto sa Maasin City gymnasium.
Nangulo sa kalampusan mao si Steve Montenegro, kinsa midaog og duha ka championship trophy pinaagi sa seniors division ug doubles event.
Naka-bronze sab si Montenegro sa open singles, samtang ang iyang team nilusot sa Top 8 sa three-man team ug fixed-four person event.
Sila si Jun Bacalso ug Roniel Pedrosa nanghawod sa three-man team competition, gisundan nilang Yummy Rensulat ug Winnie Ocañada.
Sila si Pedrosa, Rodmar Branzuela ug duha ka players nga dili miyembro sa CHEDA ang naghari sa fixed four-person team event.
Sa laing bahin, si Reyden Colina nahimong runner-up sa classified doubles.
Si Colina ug si Jomar Amerol, ikawalo sa four-person ug three-man events. Si Pedrosa nalandig sab sa ikawalo sa open singles, samtang si Jerome Perales ug iyang team wala sab magpaperi sa fixed four-person event. - BANAT NEWS
- Latest
- Trending
