3rd leg sa Kartzone series sa Hunyo 23

CEBU, Philippines - Gitakda karong Hunyo 23 ang ikatulong hut-ong sa 2012 Kartzone Superkart Series nga pagauloha'g "Taking Charge" diha sa Brgy Kartzone racetrack sa barangay Kasambagan, ning siyudad.

Gilauman ang mga partisipante nga mokusog pa ug mopalambo sa ilang performance sa unang-duha ka legs.

Mga kategoriya nga tigian naglakip sa Formula Honda cadet, novice mini ROK, KT novice, masters ug expert.

Gawas sa mga dakung dungog sa matag kategoriya, ang mga partisipante nag-apas sab og puntos nga ilang kinahanglan alang molapad pa ang kahigayonan nila nga mahimong "Karter of the Year."

Si Tonyo Carcel mao karon ang nag-unang kandidato alang sa KOY award nga adunay 89 puntos, gisundan ni Jette Calderon sa iyang 77 puntos, Joseph Rojo nga adunay 68 puntos, Sean Veloso nga nakatigum og 39 puntos ug JT Gullas nga mitigum og 38 puntos. (BANAT SPORTS)