Espinosa nidominar sa 10th Tour Ni Frank
CEBU, Philippines - Ang Sugbuanong seklista nga si Ramon Espinosa maoy nidominar sa 2012 Cebu RECYCLE Cycling Series 10th Tour Ni Frank sa miaging adlaw sa duha ka managlahing binyu dinhi sa Sugbu.
Si Espinosa nigawas nga overall champion human sa iyang back-to-back nga kadaugan sa class B.
Gisugdan ni Espinosa ang iyang kampanya pinaagi sa pag-angkon sa criterium event niadtong Sabado sa Mandaue city reclamation area, gisundan kini og laing kadaugan sa road race gikan sa Balamban ngadto sa Busay.
Nagsunod ni Espinosa ang teen cycling sensation nga si Luis Miguel 'Igimax' Maximo sa Paref-Springdale, samtang mipuwesto sa ikatulo si Jonas Ponseca.
Hinuon, si Igimax naghari sa labing unang junior division sa Tour Ni Frank.
Gipilde ni Igimax ang pambato sa Manila nga si Miguel Gonzales, samtang laing Cebuano teen cyclist nga si Dexel Chu mi-okupar sa ikatulong dapit.
Si Raymond Naquinis mipilde ni Joseph Carcueva alang sa titulo sa class C division, samtang si Jerome Beldida mipahiluna sa ikatulo. (BANAT SPORTS)
- Latest
- Trending
