Magiging mainit ang semis series ng Tigers at Elasto Painters
MANILA, Philippines - Laro sa Enero, 4, 2012 (Cuneta Astrodome, Pasay City) 6:45 p.m. Rain or Shine vs Powerade.
Hindi sila ang inaasahang papasok sa semifinal round. Ngunit nagawa ito ng No. 8 Powerade at No. 5 Rain or Shine matapos manaig sa quarterfinal round laban sa No. 1 B-Meg at No. 4 Barangay Ginebra, ayon sa pagkakasunod, sa 2011-2012 PBA Philippine Cup.
Dalawang beses tinalo ng Tigers ang Llamados, nagbitbit ng ‘twice-to-beat’ advantage, samantalang winalis ng Elasto Painters ang kanilang best-of-three quarterfinals series upang itakda ang kanilang best-of-seven semifinals showdown.
Magtatagpo ang Rain or Shine at Powerade sa Enero 4, 2012 sa ganap na alas-6:45 ng gabi sa Cuneta Astrodome sa Pasay City.
“I would like to believe that we can match up well with Rain or Shine,” sabi ni Tigers head coach Bo Perasol na umaasang makakagawang muli ng sorpresa laban sa Elasto Painters ni mentor Yeng Guiao.
“Powerade deserves to be in the semifinals. They worked hard for it. They were the underdogs but beat the odds. They can strike again if we let them be,” ani Guiao.
- Latest
- Trending
