Bostolits-ayala daog batok bostolits-UBCA

CEBU, Philippines -  Naka-eskapo ang Grace Bostolits-Ayala ubos ni Jojo Cabajar batok sa Grace Bostolits-UBCA quintet ni skipper ug three-point artist Toly Petiluna, 141-139, kaniadtong Sabado sa gabii atol sa ilang exhibition game nga maoy milamas sa nagpadayong Grace Bostolits Fiesta Cup-2011 basketball tournament didto sa Upper Bayanihan Catholic Association (UBCA) Sports Complex sa barangay Quiot, ning dakbayan.

Mihimo’g 30-24 scoring run ang Grace Bostolits-Ayala sa opening period pinaagi sa tandem nilang Cabajar ug Etti Millosa apan mibawos og rally ang Bostolits-UBCA aron molabaw og dos puntos sa halftime, 53-51 pinaagi sa baskets nilang Nicole Llamedo ug Jeff Francisco.

Makabungog nga rally ang gihimo sa Bostolits-Ayala dihang ilang gipakuratan ang Bostolits-UBCA ginamit ang 24-3 run aron naka-ipsot ngadto sa dos puntos nga kadaugan.

Si Cabajar maoy nangu sa Bostolits-Ayala human siya moposa og 21 puntos ug gi-abagan siya ni kanhi UC Webmaster pointguard Raymund Yncierto kinsa mibahug og 17 puntos samtang laing upat ka kauban ang miamot og double figures nga naglakip kanilang Millosa kinsa may 16 puntos, Angel Mancao sa iyang 14 puntos, James Lou Rama, 13 puntos ug si Joseph Abasolo, 12 puntos.

Si Petiluna mikulit og record nga 51 puntos alang sa Bostolits-UBCA nga pulos gikan sa three-point area dihang mibahug siya’g laing record nga 17 triples samtang sila si Nicole Llamedo, Jeff Francisco ug Barok Lasque nagkumboya og 46 puntos sa napildeng team.

Puntos matag usa:

BOSTOLITS-AYALA (141)- Cabajar 21, Yncierto 17, Millosa 16, Mancao 14, Rama 13, Abasolo 12, Tampos 9, Barluado 8, Meting 8, Pega 7, Garciano 6, Bagano 4, Navarro 4, Suello 2.

BOSTOLITS-UBCA (139)- Petiluna 51, N. Llamedo 20, Francisco 14, Lasque 12, Patrimonio 11, Pescadero 6, S. Llamedo 6, Hyperwage 6, Llanura 5, Dela Peña 4. Palma 4. (GGM)(BANAT NEWS)