Sinukmagay sa Mandaue Plaza

CEBU, Philippines - Magbinayloay na usab sa ilang mga kinumo ang mga amateur prospects sa 3rd Mayor Jonas C. Cortes Boxing at the Park Amateur series karong gabii didto sa Mandaue City Plaza Square.

Mga boksidor gikan sa nagkadaiyang boxing club, tunghaan sa Mandaue ug out-of-town fighters ang mopakita sa ilang abilidad sa maong binulan nga boxing tournament.

Moapil sa binukbukay ang mga boksidor gikan sa Phil-Aust Boxing Club (PABC), Flores Boxing Club, University of the Visayas (UV), Cabancalan National High School, Don Gerardo National High School, Bacolod City, Bukidnon ug Camotes Island.

Gipasiugdahan sa ALA Boxing Gym ug Mandaue City government, ang grassroots boxing tournament gimugna alang sa kalamboan sa boksing sa Mandaue ug aron usab makakaplag og mga potensiyal amateur boxers. (BANATSPORTS)