1st Abellana National School Run gitakda sa Nobiyembre 13
CEBU, Philippines - Kapin sa 2,000 running enthusiasts ang gipaabot nga modagan sa 1st Abellana National School (ANS) Run diha sa Abellana National School grounds
Ang ANS Alumni Federation Inc. sa pagpangulo ni Engr. Daisy Toledo, mitukod ning labing unang fun run sa tuyo nga makakita og pundo aron isuporta sa Cebu City Government sa ilang beautification project.
"This is a first from the ANS Alumni Federation. We primarily organized this activity for the beautification project for the city of Cebu. The school has no funds in support to the project that’s why we the alumni of ANS extended our help through this," matud pa ni Toledo atol sa press conference kagahapon diha sa Casino Español.
Mipakita sab sa iyang dakung suporta sa maong kalihukan si ANS alumnus Congressman Jun Alcover, kinsa mitambong sab atol sa press conference.
Gidasig sa ANS Alumni Federation ang tanang running enthusiasts sa pagsalmot sa dagan.
Sa pagka karon, ang registration area naa pa sa Abellana National School.
Naglaraw ang mga organizers nga mobutang og registration booth diha sa Runnr sa Ayala Center-Cebu ug sa nagkalain-laing colleges ug universities dinhi sa Sugbu.
Ang registration fee nagkantidad og P75 alang sa mga estudyante, libre na ang race bib ug refreshment ug P250 alang sa non-student ug alumni libre na ang singlet, race bib ug refreshment.
Mga ganting salapi ug medalya ang nagpaabot sa mga mananaog. Special awards ang ihatag ngadto sa biggest alumni batch ug school delegations. (BANAT NEWS)
- Latest
- Trending