Fuentes midepensa sa OPBF title
- Ni Lemuel P. Maglinte () - August 22, 2011 - 12:00am

CEBU, Philippines - Ang garbo sa Brgy. Mambaling nga si Rocky “Road Warrior” Fuentes milampos na usab pagdepensa sa iyang Oriental and Pacific Boxing Federation (OPBF) flyweight title niadtong miaging gabii batok sa Hapon nga si Hirofumi Mukai didto sa Sumiyoshi Ward Center sa Osaka, Japan.

Ang 25-anyos nga ALA fighter kinsa midaog pinaagi sa usa ka unanimous decision, mikulata sa beteranong si Mukai alang sa ikaupat niyang malampusong title defense.

Sa pakighinabi ning tigbalita, si ALA chief trainer Edito Villamor nagkanayon nga dili sayun nga kontra si Mukai nagbaton og height ug reach advantage batok ni Fuentes.

Apan bisan pa niini, ang 5-foot-3 nga si Fuentes mipakita sa iyang kaisug ug kaagresibo dihang iyang gidabo-dabohan ang 5-foot-7 nga si Mukai sa sugud ngadto sa katapusang round sa away.

“Dili sad sayun kay lig-on and taas og experience iyang kontra, pero migawas gyud ang abilidad ni Rocky, abi gani namo og moundang na ang Hapon sa 11th round,” matud pa ni Villamor.

Sa maong kadaugan, migimaw ang posibilidad nga usa ka world title fight na ang isunod ni Fuentes. Ang Sugbuanon kasamtangang ranked No. 5 sa IBF, No. 6 sa WBC, No. 7 sa WBO ug No. 9 sa WBA.

“Yes para nako andam na gyud siya (Fuentes) para sa world title fight kung naa lang gyud opportunity, pero huwaton lang nato ang plano sa ALA Promotion alang niya,” dugang ni Villamor.  - BANAT NEWS

ANG SUGBUANON EDITO VILLAMOR FUENTES HAPON HIROFUMI MUKAI MUKAI ORIENTAL AND PACIFIC BOXING FEDERATION ROAD WARRIOR SUMIYOSHI WARD CENTER
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with