US tennis star nag-costume og Lady Gaga

CEBU, Philippines - Dili lang kay usa na ka contender sa WTA ranking ang American tennis player nga si Bethanie Mattek-Sands kinsa maoy nag-una karon kung itandi kang Venus Williams, iya pa gyung gipuhalan sa matang sa sinina si Venus ug mao kini ang nakapa-agni sa pagtagad sa daghan kaayong tennis fans.

Ang no. 31-ranked nga si Mattek-Sands nakapaaghat pagpalingi sa katawhan atol sa usa ka player party didto sa Wimbledon diin nagsul-ob siya’g sinina nga gidesinyo ni Alex Noble kinsa maoy designer sa sikat kaayong pop singer nga si Lady Gaga.

Mi-amag sa kahayag ug kasinaw ang dilaw nga sinina ni Mattek-Sands diin aduna sab makitang mga tennis balls nga gitusok sa sinina pinaresan og maanindot nga sayal ug may ternong headdress nga dili gyud malupigan bisan pa tua kini siya motambong og usa ka royal wedding.

Ang 26 anyos nga atua pa gihapon karon sa Eastbourne aron moduwa og doubles competition didto sa Wimbledon sa iyang tuneup ug nagkakuha’g helicopter aron maoy sakyan ngadto sa London aron lang motambong sa nahisgotang party. Usa ka oras human siya mo-abot sa airport, dali niyang gisukod ang sinina ug milingkod sa usa ka make-up chair.

Si Mattek-Sands kinsa milakaw sa usa ka red carpet, nakigkita kang Noble sa duha ka higayon didto sa Madrid aron hisgotan kung unsaon pagtahi ang iyang sinina ug ang laing panagkita mao na ang pagsukod mismo sa sinina.

“I had a blast working with him. It’s the funky dress I wanted,” sumala pa ni Mattek-Sands.

Ang iyang kalo maoy usa sa iyang labing paborito ug siya nagkanayon “When you’re in England you have to have some coolheadwear.”(Princess Beatrice: “Yup.”)

Si Mattek-Sands ika-30 seed sa torneyo ug mao kini labing unang higayon nga nalista siya isip usa ka seeded player sa Wimbledon.

Dako hinoon siya’g kumpyansa bisan pa og wala kaayo siya makapahigayon og praktis sa “grass” tennis court karong tuiga.

“Noble designed something for me to walk out onto the court with,” matod pa ni Mattek-Sands. (GGM) (BANAT NEWS)