Concepcion may patutunayan

Manila, Philippines - Kung taglay pa nito ang lakas at puso para ma­ging isang world champion ang sisilipin sa pagsampa ni Bernabe Concepcion la­ban kay Mexican Juan Car­los Martinez ngayon na gagawin sa Mandalay Bay Hotel and Casino sa Las Vegas, Nevada.

Si Concepcion ay isang two-time WBO featherweight challenger pero hindi siya pinalad na magtagumpay na mapabilang sa hanay ng mga Filipino world champions.

Huling laban na sinu­ong ng 23-anyos tubong Virac, Catanduanes ay laban sa dating kampeon na si Juan Manuel Lopez sa Puerto Rico at nalasap ni Concepcion ang kauna-unahang KO kabiguan nang bumagsak siya sa ikalawang round.

Unang tangka niya sa nasabing titulo ay laban kay Steven Luevano noong 2009 pero na-disqualified si Concepcion sa laban dala ng pinakawalang ille­gal punch sa seventh round.

May ring record na 28-4-1, 15KO, si Concepcion ay kinuha na ni Manny Pacquiao at dinala pa sa US para magsanay sa Wild Card gym sa hanga­ring maibalik ang kanyang kon­disyon.