Bostolits vs. Dorothy Grace sa Saturday Club finals

Parehong gitagak sa Bostolits ug Dorothy Grace ang ilang tagsa-tagsa ka karibal aron mag-abot sa Saturday Club Christmas tournament finals nga banatan karong gabii diha sa barangay Quiot open court.

Unang milukat og tiket sa finals ang Bostolits ni skipper Rey Petiluna human ilang gipukan ang MYKA sa semifinals niadtong Miyerkules, 93-89 ug ang ikaduhang pasaporte nakuha sa Dorothy Grace human sab nila gipilde ang   Airen sa iskor nga 85-79.

Human mapiang si Petiluna sa sayong bahin sa duwa, nakahuygo ang MYKA ug miposte sa kinadak-an nilang labaw, 30-23. Apan sa second period, kalit nga mi-rally ang Bostolits ginamit ang 20-12 scoring run aron ilogon ang labaw, 43-42 sa halftime.

Misuway unta paghimo og rally sa katapusang higayon ang MYKA apan napugngan kini sa maayong depensa sa Bostolits.

Si Ronnie Ruiz maoy nangu sa Bostolits sa iyang 24 puntos.

Sa laing duwa, si Jackson Lapeña miburak og 27 puntos ug si Jeffrey Francisco mibahog og 21 alang sa Dorothy Grace, samtang ang pilderong Airen gipangulohan sab ni Junjun Cabakit, kinsa mipabuto og 22 puntos. 

Puntos matag usa:

Unang duwa:

Bostolits (93) - Ruiz 23, Malalay 13, Abacajan 12, Sumargo 9, D. dela Peña 8, L. dela Peña 6, Regis 6, Sabandeja 4, Patrimonio 4, Petiluna 3, Ambrad 2

MYKA (89) - Fernandez 31, J. Rudinas 15, Zapanta 10, Ecojedo 9, M. Rudinas 6, M. Perez 4, R. Perez 3, Sereño 3, Auxtero 2, Degojas 2, Capacio 2, Labajo 2

Ikaduhang duwa:

Dorothy Grace (85) - Lapeña 27, Francisco 21, Bacus 12, Dela Cruz 10, Niala 5, Batino 3, Nuñez 3, Escario 2, Pacquiao 2

Airen (79) - Cabakit 22, Ararao 14, Celestial 8, Insiao 8, D. Dela Peña 7, Abeleda 6, Randy 4, A. Murillo 3, Dela Serna 3, D. dela Cruz 2, T. Murillo 2  (BANAT NEWS)