Lite Shipping makigtigi sa FAL shipping

CEBU, Philippines - Ang Lite Shipping ni team owner Niño Imboy nagpanikad nga mokulit og 5-0 nga baraha sa dihang ilang sangkaon ang lig-on nga FAL Shipping sa pagpadayon sa Lucio 'Guy' Lim Memorial Cup basketball tournament karong gabii diha sa City Sports Club-Cebu gym sa Cebu Business Park.

Mga duwa karon

7:00 pm

Cebu Movers vs. Aisle Marine

8:30 pm

Lite Shipping vs. FAL Shipping

Ang Lite Shipping ubos ni coach Elmer 'Boy' Cabahug nga nagtinguhang moharos sa elimination maoy title-favorite tungod sa mas kusog nilang line-up sa pagpangulo ni ex-UV Lancer Dante Elim uban nilang   Allan Cabral, Donald Iway, Jeffrey Sinoy ug Imboy.

Dili sab hinuon kakompiyansahan ang FAL Shipping kay wala pa sab kini makatilaw og pilde sud sa tulo nila ka duwa.

 Sa pasiunang duwa, ang Cebu Movers System (CMS) nga adunay 2-1 nga baraha moharong sa Aisle Marine (1-3), apan nahimutang sila sa "must-win" situation batok sa FAL Shipping ugmang adlawa aron ilang maangkon ang no. 2 spot ug makakuha og "twice-to-beat" incentive atol sa semifinals sunod semana. (BANATSPORTS)