Langyaw'ng boxer's atubang sa media

CEBU, Philippines - Moatubang karon sa Cebu media ang duha ka bantugang langyaw'ng boksidor, kinsa misulong dinhi sa Sugbu alang sa "Pinoy Pride" boxing event karong Oktubre 30 diha sa Waterfront Cebu City Hotel and Casino.

Ang kanhi two-time Nicaraguan world champion Luis Alberto 'El Demolidor' Perez ug ang knockout specialist nga si Bladimir 'Blade' Hernandez sa Mexico nga pulos sayong miabot dinhi sa Sugbu, makighimamat sa mga prensya karong alas-11 sa buntag diha sa Maya Mexican Restaurant sa Brgy. Banilad, ning siyudad.

Si Perez maoy mosangka ni ALA bantamweight prospect AJ 'Bazooka' Banal sa main event, samtang si Hernandez makigbatok ni welterweight contender ug Top Rank boxer   Mark 'Mighty' Jason Melligen.

Samtang nagpaabot sa adlaw sa ilang sangka batok sa mga ALA Boys, sila si Perez ug Hernandez mopahigayon usab og training dinhi sa Sugbu aron usab sination ang ilang lawas sa klima sa Sugbu.

Ang tanang protagonista sa ‘Pinoy Pride” sa ALA Boxing Promotions ug ABS-CBN Sports, mag-abot sa katapusang higayon sa final press conference nga tentatibong gitakda karong Huwebes diha sa Waterfront Cebu City Hotel and Casino.  (BANATSPORTS)