CRV midaug batok Heartfelt sa overtime

CEBU, Philippines - Human mapilde batok sa Simpolang Barbekyuhan sa overtime, lain na sab nga overtime game ang nasinati sa CRV quintet ug niining higayona, midaog na sila sa usa ka kulba-hinam gihapong duwa sa iskor, 125-123 batok sa Heartfelt, ang ilang ikaduhang overtime sulod lang sa usa ka semana atol sa nagpadayong 2nd season of the F. Llamas Youth Association (FYA) basketball tournament adtong Huwebes didto sa Vicente Sotto Memorial Gym sa barangay Punta Princesa, ning dakbayan.

Sa ilang 2-1 nga baraha, ang CRV aduna karo’y 1-1 nga baraha sa overtime. Mao sab kadto ang ikatulong overtime sa nagpadayong torneyo sa FYA human modaog ang Kharoz batok sa Viking sa miaging adlaw.

Sa laing duwa, midaog ang, the Viking Haulers batok sa Angelica sa iskor, 102-91 aron mo-abante ngadto sa ikaduihang pwesto sa ilang 3-1 nga baraha ug usa lang ka pilde ang biya luyo sa solo leader Simpolang kinsa naghupot ug hapsay nga 3-0 nga baraha.

Sila si Janus Abellana ug Dondon Cadungog maoy nangu sa CRV ni team owner Christian Villacastin sa ilang 24 ug 23 puntos matag usa.

Si Tata Laborte na-fouled out sa daginotong oras sa duwa bitbit ang iyang 34 puntos aron pangulohan ang Heartfelt nga may higayon untang modaog kung wala pa matapali ang three-point attempt ni ex-USJR Jaguar Giovanni Canceko. Si Canceko mipugnit og 25 puntos alang sa Heartfelt kinsa nagsangkiig karon sa ilang 0-3 nga baraha.

Samtang na-foueld out si Laborte, hitakdan sab sa sigeng kubit og foul ang iyang mga kauban hangtod tulo na lang ka players ang nahibilin sa Heartfelt sulod sa korte batok lima sa CRV nga maoy nakahatag kanila ug dakung bentaha.

Ang CRV ug Heartfelt sikit gihapon nakaduwa sulod sa five-minute overtime diin gibuwag lang sila’g dos puntos, 15-13 tungod kay ang regulation natapos man sa 110-all.

Sa laing bahin, si Dodong Cabigas mikadlit og 27 puntos alang sa Viking samtang si Toper Limbaga midugang ug 21 puntos ug si Baeng Medalle miamot ug 13 puntos.

Si Ranel Patalita maoy nangu sa 1-3 nga Angelica sa iyang 25 puntos ug si Paul Basalo midugang ug 23 puntos.

Puntos matag usa:

First Game:

CRV (125)— Abellana 24, Cadungog 23, Tabar 18, Ylanan 14, Navarro 13, Villacastin 5, Laurente 4, Abella 3, Medalle 3, Pacana 2

Heartfelt (123)— Laborte 34, Canceko 25, Masongson 21, Abella 11, Danding 11, Boysillo 10, Anasco 6, Ponce 4, J. Canceko 3 OT. Reg. 110-all.

Second Game:

Viking (102)— Cabigas 27, Limbaga 21, Medalle 13, Cabanes 13, Albarracin 10, Martillan 7, Canceko 4, Pacana 2, Sabalande 2, Lantaca 1

Angelica (91)— Patalita 25, Basalo 23, Tabada 15, Cuyme 5, Garcia 5, Cabanday 4, Caparras 4, Rama 3, Enriquez 2, Bahina 2. – BANAT NEWS