Rylle Trucking mirumbo sa Rollway Freighters

CEBU, Philippines - Hinugpong puwersa nilang Centes Brañanola, Wendel delos Angeles ug Amay Palad ang mihandos sa Rylle Trucking ngadto sa 111-104 nga kadaugan sa ilang duwa batok sa Rollway Freighters sa nagkainit nga aksiyon sa Phase 3 Camella Homes Sunday Basketball Club niadtong Domingo diha sa Villa Magallanes gym, dakbayan sa Lapu-Lapu.

Naalkanse og sayes puntos ang Rylle Trucking sa unang 10 minutos sa iskor nga 15-21. Mihinay-hinay og ratsada ang Rylle Trucking sa second period ug uban sa kakugi nilang Brañanola, Delos Angeles ug Palad, napahakan ang labaw ug nailog nila ang pabor sa halftime, 50-44 ug wala na kini motugot   nga makaapas pa ang Rollway Freighters ni team owner Rolly Dela Pieza.

Topscorer sa Rylle Trucking mao si Brañanola, kinsa mibundak og 29 puntos, si Delos Angeles midiskarga og 23 puntos, samtang si Palad miariya og 15 puntos.

Puntos Matag Usa

RYLLE TRUCKING (111) - Brañanola 29, Delos Angeles 23, Palad 15, Oyanib 13, Delgado 10, Flores 7, Catampatan 7, R. Dela Pieza 4, Dela Pieza 3, Delan 2, Ando 2

ROLLWAY (104) - Robatasi 21, Albeos 16, Dinola 13, R. Dela Pieza 10, D. Dela Pieza 10, Abel 10, Andrino 9, Micabala 7, Omega 4, Regala 2, Salinas 2. – BANAT NEWS