CAV pasiugda'g libreng basketball clinic

CEBU, Philippines - Ang Christian Athletic Volunteers (CAV),usa ka born-again Christian, mopasiugda'g basketball clinic alang sa mga kabataan diha sa Tejero Sports Complex, ning siyudad.

Ang basketball clinic libre alang niadtong gustong mosalmot ilabi na ngadto sa mga kabataan nga nagpangedaron og siyete ngadto sa 17 anyos.

Kapin na sa 100 ka mga batan-on ang nagpalista alang sa basketball clinic ug mga tigpasiugda padayon pa gihapon nga manawat hangtod sa Abril 12 nga maoy unang adlaw sa   clinic.

Sa matag basketball session, isunod usab ang bible study ug catechism ngadto sa mga kabatan-onan sa pagpangulo ni Pastor Jonathan Santamaria.

Gawas sa basketball clinic, ang CAV mopasiugda sab og chess tournament karong Biyernes diha sa TRSBBC Compound.

Alang sa dugang mga detalye, mahimong motawag ni Jon Mark ug Garry Lao sa mga numero 0932-5621904, 0910-2682713 ug 032-4106715. – BANAT NEWS