9th Island Sportscapade sugdan na sa Bantayan Island

CEBU, Philippines - Tulo ka adlaw nga triathlon competition nunot sa pagsikad sa 9th Island Sportscapade karong adlawa didto sa Mac's Hideaway Beach Resort sa Sta. Fe, Bantayan Island.

Mga Sugbuanong triathletes ang manalipod sa ilang balwarte batok sa mga bisitang atleta sama ni Hiroshi Takei sa Japan, Sean Lim sa   Manila ug sila si Noel Salvador ug Franklin Echevaria sa Bacolod.

Gibahin kini ngadto sa duha ka kategoriya -- standard (1.5-km swim, 40K bike, 10K run) ug sprint (750-m swim, 20K bike, 5K run).

Ugma, ipahigayon ang duathlon ug sa Biyernes mao ang Oceanman.

Ganting salapi ug mga medalya ang giandam alang sa top three finishers sa matag dibisyon.

Ang makampiyon makaangkon og P1,500, samtang ang second ug third placers makadawat og P1,000 ug P500 matag usa.

Gipasiugdahan ni Benjoe Jimenez ug sa Sugbu Triathlon, ang maong kalihukan gisuportahan usab sa Rudy Project, Bloodred, Pepsi ug Nature’s Spring. (BANATNEWS)