1st Osmeña Moto-x Cup moulbo na

CEBU, Philippines - Magpinuhalay na sa ilang abilidad ang mga daredevils sa 1st Mayor Tomas R. Osmeña Invitational Motocross Cup karong adlawa diha sa South Road Properties (SRP).

 Mga riders gikan sa Visayas, Mindanao ug National Capital Region (NCR) ang   mosalmot ning usa ka adlaw nga lumba nga gipasiugdahan sa kagamhanan sa Sugbu uban sa abag sa Man and Machine ug Power Sports Racing ubos sa liderato ni Jonas Adlawan.

Kompirmadong mosalmot sa maong lumba mao ang koponan gikan sa Ozamis, Lanao del Norte-Dimaporo, Dipolog, Zamboanga, Ormoc, Team Pacquiao nga gipangulohan ni Buboy Fernandez, Bohol, Dumaguete ug Sel-J Sports.   (BANATNEWS)