MCC chessfest

MANILA, Philippines - Inihayag ng Metropolitan Chess Club ang pagtatanghal ng 1850 below chess tourney sa July 18-19 sa Lower 2F ng St. Francis Square na matatagpuan sa likuran ng SM Megamall sa Mandaluyong City.

Ang naturang event ay bukas sa lahat ng unrated, amateurs, beginners at rated players na may NCFP ratings na hindi lalagpas sa 1850. Gagamitin ang 90 minutes time control at gagawin sa dalawang iskedyul na two-day sked (July 18-19) at one-day (July 19). Ang mga laro sa two-day chessfest ay magsisimula sa alas-12 ng tanghali habang alas-9:30 ng umaga naman sa one-day sked sa July 19.

Nakataya sa five-round Swiss event ang pangunahing premyo na P3,000 para sa champion.

Lahat ng interesadong partido ay inaatasang magparehistro sa ganap na alas-10 ng umaga sa venue site sa Sabado, July 18. Para sa karagdagang detalye tumawag sa 994-5199, 826-8560 at 0916-852-1069.