Kuya Allan, Rollyr Boyz abante sa FYA division finals

CEBU, Philippines – Ang top seeds Kuya Allan ni team owner Allan Guibelondo ug ang Rollyr Boyz ni Punta Princesa barangay captain Rolly Diorico mipalagpot sa ilang tagsa-tagsa ka kaatbang aron pag-abante ngadto sa Division Finals sa F. Llamas Association (FYA) 1st Vice Mayor Mike Rama Cup niadtong Huwebes sa gabii didto sa Vicente Sotto Memorial Gym sa barangay Punta Princesa, ning siyudad.

Ang Kuya Allan mi-abante ngadto sa Light Bracket finals human ilang gimakmak ang Viking Haulers sa iskor nga 112-103, samtang ang Rollyr Boyz mipukan sa Jayra, 94-82 aron pag-abante sa Dark bracket finals.

Ang Kuya Allan ug Rollyr Boyz parehong nagbaton og twice-to-beat incentives.

Ang Kuya Allan makigtigi sa Hearfelt alang sa Light finals samtang ang Rollyr Boyz maghuwat pa sa modaog sa duwa tali sa Grandeur ug Orillaville alang sa Dark finals.
Si Ranel Patalita miburak og 33 puntos alang sa Kuya Allan, samtang sila si Kenneth Marqueda ug Eman Reubal miamot og 19 puntos matag usa.

Sa laing duwa, si Chrissar Llegunas miposa og 28 puntos aron pangulohan ang Rollyr Boyz, samtang si Bikeng Rollon mao sab ang nangu sa pilderong Jayra sa iyang 26 puntos. 

Puntos Matag Usa

Unang duwa:

Kuya Allan (112) - Patalita 33, Marqueda 19, Reubal 19, Medalle 13, Quita 7, Ylanan 6, Canceko 5, Rabadon 3, Lastimosa 2

Viking (103) - Medalle 26, Ardon 26, Limbaga 18, Canceko 14, Trinidad 9, Cal 6, Cañete 2
Ikaduhang duwa:

Rollyr Boyz (94) - Llegunas 28, Caballero 18, Enriquez 16, Basalo 13, E. Marata 12, Dela Cerna 3, Lantaca 2, T. Marata 2

Jayra (82) - Rollon 26, Del Mar 19, Zapanta 16, Aglipa 14, Ylanan 5, Pasko 2 – BANAT NEWS