Fearless 9 sasambulat ngayon

MANILA, Philippines - Sasambulat ngayon ang walang tigil na aksiyon sa Ynares Sports Center sa Pasig City sa paghaharap ng mga pangunahing fighters sa bansa sa serye ng no-hold-barred contest na gagarantiya ng isang kapana-panabik na palabas.

Itataya ni Joel Amurao, ang 28 anyos na featherweight titlist, ang kanyang korona kontra kay Kid Rodel Orais sa isa sa tatlong tampok na bakbakan na naka-linya sa blockbuster card na tinaguriang “Uprising” na magsisimula sa alas-7 ng gabi.

Makikipaglaban naman si Ryan “Lion” Diaz kay Swede Nicolas Odell, na pumalit Baby Joe Taimanglo, sa lightweight category habang magtitipan naman sina Razi Jabarri at Cesar Yarte sa isa pang title clash sa middleweight division ng event na isinaayos ng Fearless Promotions Inc. at suportado ng Metrocard Club, Pagcor at Philippine Charity Sweepstakes Office at Superb Security Agency kasama ang Malaya, Business Mirror, I-Mag, Phil. Graphic, I-Watch, Magic 89.9, NU 107 at YES-FM bilang media partners kasama ang Makisig Network.

Papagitna naman sa tatlong title showdown ang 9 na umaatikabong aksiyon sa pagitan ng mga umuusbong na mixed martial arts fighters na sisimulan ng bakbakan Jeff Morante at Harold Bucayo sa 129-lb division.

Maghaharap naman sina Wilbur Lara at Alvin Ramirez sa featherweight (129 lbs habang magduduelo sina Leonardo Delarmino at Frances Caldeza, Isaac Tuling kontra Denver Labador, sa 149-lb (lightweight) class.

Sa iba pang match-up magtitipan sina Mark de Guzman-Onyok, Dennis Salazar-Celso Gunda fight at Artemio Mangcol-Swing Ellar sa 129-lb division.

Kukumpleto sa undercard sina Miguel Alo-Manilo Espejo at Miguel Costillas-Jenner Biocales matchups sa lightweight category.