Dale Trading miposte sa ilang ikatulong daog

CEBU - Ang Dale Trading mikulit sa ilang ikatulong kadaugan dihang ilang gipukan ang kanhi way pildeng Dim Sports, 55-50 sa nagpadayon nga Tuesday Club basketball tournament didto sa Sacred Heart Parish gym sa dalan D. Jakosalem , ning dakbayan.

Sa sayo pa, naka-ipsot ang A-1 Trading batok sa Road Star sa iskor nga 59-57 alang sa una nilang daog sulod sa tulo ka duwa, samtang ang Road Star nakatilaw sa ilang ikatulo nga kapildihan.

Si Tioy Canoy miposa og 14 puntos alang sa A-1 Trading, samtang sila si Edison Ho ug Arca Lahoy-lahoy mitampo og 10 matag puntos.

Sa laing bahin, ang Road Star gipangulohan ni Dave Abrenica pinaagi sa iyang 13 puntos, samtang si Dreyfuss   mitampo og 11 puntos.

Ang 3-0 nga Dale Trading gipangulohan ni James Alueta sa iyang 11 puntos ug si Oliver Crudwa maoy nangu sa Dim Sports sa iyang 12 puntos.

Unang duwa:

A-1 Trading (59) -- Canoy 14, E. Ho 10, Lahoy-lahoy 10, Teves 8, Burden 7, Lim 5, Belando 2, R. Ong 2

Road Star (57) -- Abrenica 13, Ang 11, Donaire 7, Fabian 5, Cabantug 4, Alivo 2, Go 2, Ho 1 Halftime: 35-22

Ikaduhang duwa:

Dale Trading (55) -- Alueta 11, Caballero 9, Blanco 7, Caballes 6, Patalingjug 5, Abella 4, Borja 4, Satur 2, Paradero 1

Dim Sports (50) -- Crudwa 12, Biscocho 7, Bacaltos 7, Lahoy-lahoy 5, Villahermosa 4, Barellano 4, Duncil 2, Eliserio 2, Gomera 2, Pateña 2. – BANAT NEWS