Poblacion Occidental., Tilhaong nimasaker sa ilang kontra

CEBU - Gimasaker sa Poblacion Occidental ug Tilhaong ang ilang tagsa-tagsa ka kaatbang sa Sangguniang Kabataan (SK) division sa 2008 Consolacion Fiesta Cup Inter-Barangay Basketball League didto sa Consolacion Sports Complex.

Ang Poblacion Occidental nga miposte og siyete puntos, 15-8 sa sayong bahin sa duwa mipulbos sa Cabahangan sa iskor nga 69-55, samtang ang Tilhaong yano sab kaayo nga milubong sa Panoypoy sa iskor nga 86-51.

Namintinar sa Poblacion Occidental ang ilang double figures nga labaw lakip na ang 47-37 paghuman sa ikatulong kuwarter sa wala pa nila maangkon ang 14 puntos nga kadaugan.

Sa laing bahin, ang Tilhaong wala manumbaling sa dinaog-daog nga Panoypoy human miposte og 20-10 sa first quarter. Miburot pa ang ilang labaw ngadto sa 17 puntos sa halftime, 41-24. Ang Tilhaong walay puas nga mi-atake ug miposte og makabungog nga 31 puntos nga labaw, 64-33 sa third quarter ug wala na kini molingi pa sa nagkayamokat nga Panoypoy.

Ang Cansaga sa ilang bahin, milubong sa Poblacion Oriental sa iskor nga 97-79 sa Inter-Barangay category.

Ang Poblacion Oriental wala makarekober human kini bombardiyoha sa Cansaga pinaagi sa pagsugod sa duwa, 22-7.

Ang duha ka bulan nga torneyo nga usa sa mga highlights sa tinuig nga kapistahan sa Consolacion karong Oktobre 29 hugtanon sab nga gipaluyohan sa local government sa Consolacion ubos sa liderato ni Mayor Avelino Gungob Sr. ug Vice Mayor Ember V. Alinsug ug ingon man ni Poblacion Oriental Councilor Paul Alelu V. Flores, ang kanhi bitoon sa FEU Tamaraws sa UAAP.

Puntos Matag Usa

Unang duwa:

Tilhaong (86) - Aluara 24, Sanchez 16, Boquilla 13, Naya 10, Baylosis 6, Seniel 5, Jack 5, Gerald 5, Lutaw 3

Panoypoy (51) - Toring 17, Quilab 16, Sebial 12, Selva 5, Padayogdog 1

Ikaduhang duwa:

Poblacion Occ. (69) - Reuyan 17, Bascon 13, Paramel 9, Reuyan 8, Sanchez 6, Juanillo 6, Reuyan 2, Ravina 2, Pepito 2, Pernito 2, Lalang 2

Cabahangan (55) - Matuguina 12, Miñoza 12, Englatera 9, Corbo 6, Matuguina 6, Estole 2, Miñoza 2, Sacedor 2, Miñoza 2, Visitiacion 2

Ikatulong duwa:

Cansaga (97) - Rogado 22, Garliardi 16, Demape 15, Mansera 12, Colonia 11, Avila 9, Fidelis 7, Mercader 5

Poblacion Or. (79) - Valle 22, La. Malagar 16, Orbeta 8, Cañete 8, Gerundio 8, Lo. Malagar 5, Rondavia 4, Lon. Malagar 4, Le. Malagar 2, El. Malagar 2. – BANAT NEWS