Jacob, laing 8 mi-abante sa quarterfinals

Miabante na sa quarterfinals si Jacob Lagman human sa iyang  yano nga kadaugan sa ikaduhang adlaw sa 13th Gullas Cup Tennis Tournament kagahapon didto sa Cebu Country Club.

Si Lagman yano kaayong mipukan ni Dan Eldred Cinco, 6-2, 6-0 sa 16-under class.

Uban ni Jacob alang sa quarterfinal showdown mao sila si  Charles Michael Cailing, Princeton Gerapusco, Franklin Encarnacion, Ian Querubin, Jayvee Canoy, JP Aba, Christian Paul Cabahug ug Francis Adilbert Alcantara.

Sila si Cailing ug Aba pulos midaog pinaagi sa default, si Gerapusco mimakmak ni Angelo Ismael Villapante, 6-1, 6-3 samtang si Encarnacion mipakaging sab ni Mark Chan, 6-2, 6-3.

Mikulit sab og daog si Querubin pinaagi sa super tie-break batok ni Joel Marlito dela Torre, 2-6, 6-4, 10-5, gibanatan sab ni Canoy si John Salumag, 6-1, 6-1, si Cabahug yano sab kaayong mipukan ni Mark Bienes pinaagi sa pag-iskor og 6-1, 6-2 ug si Alcantara midemolis ni Mark Gil Niño, 6-2, 6-1