^

PSN Palaro

Bautista, Banal moabot ugma

- Ni Jeffrey C. Tiro -
Gitakdang moabot ugma sa buntag ang duha ka Boholanong boksidor kinsa nitunol og laing dungog dili lang sa probinsiya sa Bohol kondili lukop nasud nga Pilipinhon.

Sila si Rey ''Boom Boom'' Bautista ug AJ ''Bazooka'' Banal nga moabot karon sa Manila luwan sa Philippine Airlines gikan sa Las Vegas, lab-as pa gikan sa ilang pagkulit og impresibo nga kadaugan sa undercards sa away nilang Oscar de La Hoya ug Floyd Mayweather niadtong Domingo didto sa MGM Grand Garden Arena sa Las Vegas, Nevada.

Ang 20-anyos nga si Bautista nidaog pinaagi sa unanimous decision batok ni Sergio Manuel Medina sa Argentina sa 12 ka hugna nilang WBO super bantamweight eliminator.

Mao sab ang 18-anyos nga si Banal kinsa nidaog sab pinaagi sa unanimous decision batok ni Juan Alberto Rosa sa Mexico sa walo ka hugna nilang kumbati.

Ang duha adto una magpalabay sa ilang kagabhion sa kaulohan uban ni sports patron ug tagdumala sa ALA Boxing Gym nga si Antonio Lopez Aldeguer.

Sumala pa ni Aldeguer nga ang duha niya ka mga boksidor mopahigayon og press conference diha sa Marriott Hotel.

Si Bautista lumad nga taga Candijay, Bohol, samtang si Banal lumad nga taga Corella, Bohol. Ang duha gikatakda nga mohatag og courtesy call ngadto ni Tagbilaran City Mayor Dan Neri Lim.

Sa laing bahin, ang kagamhanan sa dakbayan sa Tagbilaran nag-andam og usa ka bonggang heroes’ welcome sa duha ka Bol-anong boksidor sa ilang pagbalik sa Bohol karong Sabado.

vuukle comment

ANTONIO LOPEZ ALDEGUER

BAUTISTA

BOHOL

BOOM BOOM

BOXING GYM

FLOYD MAYWEATHER

LAS VEGAS

  • Latest
  • Trending
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with