Lady Stags vs Lady Archers para sa V-League title

Sumandal sa kanilang Thai import, binigo ng San Sebastian College ang pagbangon ng Adamson at itala ang, 25-13, 25-16, 23-25, 27-25 panalo para sa huling championship berth ng V-League na ipiniprisinta ng Shakey’s sa Blue Eagle Gym.

Naungusan ni Jaroen-sri Bualee si Cherry Rose Macatangay sa inaasa-hang bakbakan sa pagitan ng mga power hitters ng liga nang umiskor ito ng 26 hits sa atake kabilang na ang sumira sa 25-all count sa ikaapat na set.

Bunga ng panalong ito, makakaharap ng Lady Stags ang defending champion La Salle sa best-of-three finals ng event na hatid ng Shakey’s Pizza.

Ang Game One ng serye na suportado din ng Accel, Mikasa, Aquabest, VFresh, ABC-5 at ABC Sports, ay magsisimula bukas ng alas-2 ng hapon.

At totoong ipinakita ng Lady Stags, ang reigning NCAA champion ang kani-lang pamatay na porma na tila nakikipaglaban na para sa korona.

Dinomina ng San Sebas-tian ang unang dalawang sets sa mga atake ni Bualee patungo sa 10-8 abante sa ikatlong set.

Ngunit nagpakatatag sa depensa ang Lady Falcons at nagawang pigilan si Bualee at ang iba pang hitters para maagaw ang bentahe sa 19-11.