Ginebra vs Coke

Kung maipapanalo ng defending champion Barangay Ginebra ang kanilang asignatura nga-yon laban sa league-leader na Coca-Cola ay magandang pagbangon ito matapos ang sunud-sunod na kabiguan.

Sa pagpapatuloy ng aksiyon sa Gran Matador Brandy PBA Philippine Cup sa Cuneta Astro-dome, tututukan ang sagupaang Coca-Cola at Barangay Ginebra sa alas-4:40 ng hapon.

Matapos buksan ang kampanya sa pagta-tanggol ng titulong dala-wang sunod na panalo, mabilis ang pagbulusok ng Gin Kings dahil sa kanilang tatlong sunod na kabiguan kabilang ang season lowest output na 56-puntos sa pagkatalo sa Purefoods.

Ang kanilang tagum-pay ay magtataas ng kanilang morale upang iangat ang kartada na 2-3 kung saan katabla nila ang Talk N Text.

Nasira naman ang mayabong na karta ng Coca-Cola na nakaapat na sunod na panalo nang kanilang malasap ang kauna-unahang kabiguan sa 82-100 laban sa Talk N Text.

Gayunpaman ay na-nanatili sa pangkalaha-tang pamumuno ang Tigers taglay ang 4-1 record ngunit kung sila ay mabibigo ay makaka-sosyo nila ang mananalo sa pagitan ng Chunkee Giants at Red Bull sa ikalawang laro sa alas-7:35 ng gabi. (CVOchoa)