332 players na ang kasali sa JVC Badminton Open Juniors

Umaabot na sa 332 players ang maglalaban-laban para sa pangunahing karangalan sa iba’t ibang division ng two-category JVC Badminton Open Juniors Championships, na magsisimula sa Abril 2 sa SM North EDSA.

Ang torneo na suportado ng Gosen, Cebu Pacific, Water Front Hotels, Lactacyd ay tatagal hanggang Mayo 29 at magsisilbing launching tournament para sa taunang progra-ma ng JVC na tatapusin ng grand finale sa pagitan ng mga pangunahing corporate firms at elite players ng bansa.

Sa kabilang dako, inihayag din ng organizing IMG na ang deadline sa pagsusumite ng entries sa four-stage JVC regional championships ay sa Abril 15 para sa Pampanga leg na nakatakda sa Abril 18-22. Para sa ilang detalye tumawag sa (045) 860 9999/ 0918 3902134/ 0917 8120194. Iho-host naman ng Cebu ang second leg sa April 25-29 sa Metro Sports Badminton Club sa Salinas Drive, Lahug, Cebu City at ang deadline ng pagpapalista ay sa April 15. Para sa detalye tumawag sa (032) 233 3338/ (032) 234 4526. Ang ikatlong yugto ay gaganapin sa Davao sa May 9-13 sa Wheels and More Drive, JP Laurel Ave., Bajada, Davao City. At ang deadline sa pagpapalista ay sa May 2. Kontakin naman ang telepono bilang (082) 255 5700/ (082) 300 0800 para sa detalye.

Isasara ng Bacolod ang four-leg regional swing sa May 16-20 sa Pohang Badminton Center sa Dr. Pablo Torre St., Bacolod City. Ang huling araw ng pagpaparehistro ay sa May 12. Para sa detalye tumawag sa (034) 433 3632/ (034) 433 1295.