Mahirap na misyon nais lusutan ng Blu Star

Sariwa pa sa paglusot sa dinaanang knockout match, isa na namang mahirap na misyon ang susuungin ng Blu Star Advance at Montana Pawn-shop sa pagsabak nila ngayon sa quarterfinals ng Philippine Basketball League 2004 Unity Cup sa Letran Gym sa Intra-muros.

Bukod sa do-or-die na sit-wasyon, ang Detergent Kings at Jewels ay kailangang magwagi ng dalawang sunod laban sa kanilang katunggali upang maka-abante sa kasu-nod pang yugto ng torneong ito at mapanatiling buhay ang kanilang aspirasyon sa titulo.

Makakasagupa ng Blu Star ang defending champion Ha-pee Toothpaste sa unang sultada sa alas-dos habang makikipagtuos ang Montana sa Toyota Otis-Letran sa ika-4 ng hapong engkuwentro.

Ang Teeth Sparklers at Knights, na siyang pumosisyon bilang No.3 at No.4 seed matapos ang eliminasyon, ay may hawak na twice-to-beat na bentahe at kung mananalo ay agad na aakyat sa semifinals, kasama ang nauna nang Viva Mineral Water-FEU at Welcoat Paints.

Ang Water Force at Paint Masters, na may 9-1 at 6-4 marka, ayon sa pagkakasu-nod, ay ginawaran ng awtoma-tikong Final Four slot bunga ng kanilang 1-2 finish sa elimi-nation phase.

Bukod sa twice-to-beat na bentahe na tangan ng kanilang oposisyon, dehado rin ang Detergent Kings dahil sa hindi pa nito natatalo ang Teeth Sparklers sa komperensyang ito. Sa kanilang tanging pagta-tagpo noong eliminasyon, na-naig ang Hapee, 83-74.

Subalit ang Blu Star ay nanalo ng 4 sa huli nilang 5 laro, kabilang ang 63-58 pag-ungos sa Lee Pipes-Ateneo sa ka-nilang knockout match kama-kalawa, na siyang nagpapa-lakas ng moral ng koponan.

Ang Teeth Sparklers na-man ay nagwagi lamang ng 2 sa huling 6 nilang laro.

Sa kabilang panig, ang Jewels ang siyang nagtagum-pay sa una nilang pagtatapat ng Knights, kung saan ipinoste nito ang 73-63 desisyon noon lamang Mayo 8.

Ang Montana, na 3-1 sa nakalipas nilang 4 na pag-palaot, ay nakarating sa yug-tong ito matapos nilang pabag-sakin ang Sunkist-UST, 86-59, kamakalawa. Ang Toyota ay isa lamang ang naipanalo sa huli nilang 5 asignatura. (IBrion)