Cunanan, Limbohon kontra sa mga dayuhang players

BAGAC, Bataan-- Bubuksan ang Asian Continental Under-16 Chess championships sa pakikipagharap ng 9-year old na si Kimberly Jane Cunanan ng Pampanga at Lorjon Limbohan ng Region 11 ang mga top seeded foreign players sa unang round.

Ang No. 8 seed na si Cunanan, qualifier sa Central Luzon eliminations ay makakaharap ang No. 1 seed na si Dinara Tuitebaeva ng Kazakhstan samantalang makikipagpalitan ng sulong ang Davaoeño na si Limbohan kay Indonesian na si Susanto Megaranto.

Tatlong FIDE rated players lamang ang makikipaglaban ngayon na sina Mega-ranto (Elo 2254) Woman International Master Tuitebaeva (2314) at Filipina na si Arianne Bo Caoili (2113).

Sa kabilang boards, ang ASEAN U-16 na si Oliver Barbosa (No. 5) ay makikipagtagisan ng talento sa nagdedepensang National Kiddies champion na si Julio Catalino Sadorra habang ang kasalukuyang National Juniors titlist na si John Paul Gomez ay makikipagharap kay Mark Anthony Yabut sa boys’ event.

Inaasam ni Woman FIDE Master Caoili ang kanyang ikalawang Woman International Master results.

May kabuuang 38 chessers kabilang na ang 8 dayuhan (4 boys at 4 girls) ang makikipaglaban sa 9 round Swiss system event na ito kung saan umaasa ang mga top finishers ng meritong FIDE Master Woman FM title o IM/ Woman IM norm.

Dinaluhan nina Bagac Municipal Mayor Melquiades Teopengco at National Chess Federation president GM Eugene Torre ang opening ceremonies.