^

Opinion

Gitagoang milyones ni Sara  

ARANGKADA - Leo Lastimosa - The Freeman

Dihang gisibog sa kampo ni Bise Presidente Sara Duterte ang mga testimoniya sa 16 ka opisyal sa bangko nga gipa-supinahan unta nila sa Senate Impeachment Court, gi-surender sa depensa ang kahigayonan sa paglalis sa labing lig-on nga ebidensiya sa prosekusyon.

Sama ra nga giangkon sa mga abogado ug abogada ni Sara nga dili na lang nila kuwestiyunon ang minilyon ka pesos sa iyang bank accounts nga wala ideklarar sa iyang Statements of Assets, Liabilities and Net worth (SALNs).

***

Maong inig hukom sa senator-judges kon inosente o sad-an ba si Sara sa pasangil sa hidden wealth, mabantang nila ang klaro nga kuwentada ni Atty. Alexander Cabrera, ang forensic financial expert sa prosekusyon, nga niabot og ?207,696,933 ang gitagoan nga kuwarta pinaagi sa pagkumparar sa year-end balances sa bank accounts ni Sara ug sa iyang bana ug sa ilang joint accounts ngadto sa ilang SALNs sa katuigan nga bise presidente si Sara (sa walay pagpuno sa balanse sa gisundan nga katuigan):

•             2022: ?60,214,776

•             2023: ?80,701,151

•             2024: ?23,169,077

•             2025: ?43,611,929

***

Sa ato pa, bisan mapasabot pa ni Sara ang na-dokumento ni Cabrera nga ?143.5 milyones nga iyang nadawat gikan sa Gencorp Industries Inc., Cale88 Foods Corp. ug Metro City Chow Foods Corp., dunay magbansiwag nga ?207,696,933 sa bank accounts nga dili niya mapasabot.

Nga mas dako og ?110,896,933 sa gideklarar nga net worth sa iyang labing uwahing SALN (2025) nga ?98.6 milyones.

***

Dili na lang nato hisgutan nga ang iyang GenCorp nga nakadaog og nakakuha og ?33.2 milyones nga catering contracts sa Davao City Hall ubos sa iyang manghod nga si Mayor Baste Duterte, ang ?319 milyones nga nadawat sa Cale88 gikan sa China, ug ang pagpabilin niyang direktor sa Metro City Chow.

Maong imbes motubag sa mga pasangil, si Sara nilangay sa sunod niyang mga saksi ngadto sa Disyembre 1 (imbes sa Nobyembre 26 ug 27) ug namasangil sa Malacañang nga nagplano sa pagkanselar sa eleksiyong presidensiyal sa 2028 ug nitanggong, aw wala diay, sa usa, aw duha diay, ka kanhi katabang niya sa balay.

SARA DUTERTE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with