Igong supply sa bugas hangtud sa ting-ani sa Marso

So, wala kitay angay kabalak-an, mahal man, apan aduna kitay igong supply sa bugas until March, sumala sa pasalig sa Department of Agriculture (DA). Dugang niini, gipaabot nga dul-an sa 500,000 metric tons sa imported nga bugas ang muabot karong bulana sa Enero. 

Gani, matud DA Undersecretary Roger Navarro, mga 100,000 tons of rice niabot na nganhi sa nasud. Ang mga imported rice gikan sa mga nasud sa Taiwan ug India, ang labing daku nga rice exporter sa bugas sa tibuok kalibun. Nilngiga sa India, no? 

Sa ato nang gibalikbalik dinhi, kon naka-export kita’g bugas panahon ni Presidente Marcos Sr., nganong dili na man kita maka-export karon, ug sa nangaging administrasyon after Marcos? Hagit kini sa present administration. 

Sa ato na usab gibalikbalik dinhi, usa kita ka agricultural country, nganong nagsalig man kita sa kanunay sa imported nga bugas ug ubang agricultural products? Tubag ni Juan de la Cruz; unsaon, politika man maoy atong top priority.

Tan-awa, layo pa kaayo 2028, apan, ang presidential election na ang na-busy-han karon sa mga politico, labi na sa mga buot mag-Presidente, to the extent nga nag-unay na ang atong mga leader, taliwa sa kadaghan sa mga problema nga sagubangon, inay nga maghiusa ug magtambayayong. Pastilan!

* * *

Pamaligya ug pamalit online. Nabalaka niini ang labaw sa kapolisan, si Gen. Benjamin Acorda Jr. tapus sa miaging yuletide season, na-obserbahan sa PNP ang pagpamaligya sa gidili o banned firecrackers pinaagi sa online platforms ug courier services.

Na-concerned si Acorda niini, nga tingali unya og gamiton kini pag-transport og mga kontrabando. Gumikan niini, ang PNP misugyot ngadto sa Kongreso, sa posibilidad pagpanday og balaud nga mag-regulate sa pagpamaligya online aron kalikayan nga gamiton kini isa supak-sa-balaud nga mga transactions.

“Maybe we can study further or maybe through coordination with the legislation how to regulate transactions with courier services and online sellers and what can be banned,” nagkanayon si Acorda.

Daghan ang nadakpan sa Anti-Cybercrime Group (ACG) gumikan sa pagpamaligya og mga pabuto pinaagi sa Facebook (illegal kini). Dugang niini, si Acorda mibutyag nga ang mga drug traffickers migamit usab sa mga courier services pag-transport sa mga illegal drugs nganhi sa nasud.

* * *

Pagkadaghan na unya nato dinhi sa tibuok kalibutan, uy! Giingon nga world population to hit 8 billion karong tuiga. Dili na man kita makaihap niini ginamit ang mga tudlo. Misaka ang world population by 75 million sa bag-o lang natapus nga tuig. Mga figures kini nga giluwatan sa US Census Bureau.

Accordingly, matag segundo ang pagsaka sa world population, ingonman sa mga mamatay. 

Sa America, matud pa, “at the start of 2024, the United States is expected to experience one birth every nine seconds and one death every 9.5 seconds.”

Dinhi sa ato, pagkatapus sa 2023, miabot na’g 115 miliion ang atong population. “The Philippines, based on the 2020 census, has recorded 109 million Filipinos and in the Asia-Pacific region, the Philippines is at seventh place.” Ika-13 kita sa kinadaghanang population sa tibuok kalibotan.

Unsaon, imbis agricultural production ang atong pagabuhaton, lain man ang atong gi-mass produce.