Palig-on sa tuhod ug kaugatan (2)
Kon sa imong pamati, medyo nakasinati kana ini, kinahanghanglan imo kini dayon matagad unsay angay buhaton nga dili mosangpot sa kapungot nga mag-antus kita sa panakit niini, nga makawala sa maayong paminsar.
Anaa ra kini sa kakugi ang kasulbaran ning kasoha, pinaagi sa pagkonsumo sa natural nga sustanya aron pagpahimsog sa atong panuhod lakip na ang kaugatan.
Sama ining atong ihatag kaninyo nga usa ka resipeng ‘smoothie’, nga nasulayan nang epektibo sa pag-alibyo sa problema sa panuhod ug kaugatan.
Ania ang mga ingrediyentes -
* Almonds 40ka gramos.. * Lab-as nga ‘orange juice’ 1ka tasa..
* Lab-as nga hiniwa sa pinya (pineapple) 2ka tasa..
* Cinnamon nga pinulbos 7ka gramos..
* Instant oats 1ka tasa..
* Pure honey 40gramos..ug * Tubig 1ka tasa. Unsaon ang preparasyon –Human maandam ang tanan..
* Lotua sa normal nga paagi ang oats…
* Pislata o padug-a ang hiniwang pinya ug ibutang sa panaksan..
* i-blend ang cinnamon, honey, tubig ug almonds nga gipino pagdukmok dayon isagol ang ‘orange juice’.. * Unya, idugang sa blender ang juice ug pinislat sa pinya ug ang linuto nga oats..
* Mahimo nga butangan og ice nga i-blender pag-usab…
* Ighuman, mahimo nang konsumohon ang ‘smoothie’.
Ngano epektibo kini alang sa pagpalig-on sa tuhod, segun sa mga eksperto?
Tungod kini sa kataas sa bromelain enzymes’ sa pinya, napruybahan nga makapalig-on usab sa kabukogan labi na sa mga lutahan ug sa natural nga pag-alibyo sa nag-antus sa ‘osteoarthritis’.
Usa sab sa nakatabang sa pagkalma sa panakit sa tuhod, mao nga dasok kini sa nutrens o vitamin C, nga mosanta batok sa implamasyon.
Mas dali ang epekto niini kon aksyonan dayong masulayan aron kita makapahulay sa inagulo sa kasakit.
- Latest
