Disiplina ang pagamay sa tiyan (1)

Daghan ta'g nahinabi nga mga dagko'g tiyan, ug aminado sila nga wala sila'y kontrol sa ilang gipangaon. Karon gusto na nila magpagamay, apan maglisod sila sa paghimo niini, kay unsaon mahadlok man mosakripisyo nga masunod ang disiplina sa hustong pagkaon, aron unta ang tiyan mogamay.

Dagha'g maayong mga programa sa pagpagamay sa tiyan, apan ang epekto niini naa ra gyud sa higpit nga disiplina nga masunod ang tulomanon. Sulaye kuno kining natural nga pagpagamay sa tiyan, sulod sa 10 ka adlaw. Nga kun imo ni masunod segurado nga mosaler kini kanimo, sama sa mga mosunod;

(1) Sa unang adlaw —Panguhaa o likaye ang pagpundo'g mga pagkaong maisip nga 'junk foods' sa balay. Pulihi'g mga prutas o utanon, karne, low-fat milk, uban pa. Ayaw pagpundo og mga hotdogs, sausages, candybars, sa balay. Likaye ang pagkaon sa pulos 'carbohydrates' ining adlawa. Sugdi sa pag-inom og 10-12ka basong tubig. Kini aron paglimpyo ug pagkuha sa tambok sa lawas. Mahimo sad una magsugod, magpuasa ka's pagkaon sud sa 3ka adlaw pinaagi sa pag-inom la'g 3-5ka kutsara sa apple cider vinegar, nga sagola'g 1ka kutsarita sa dugos (honey), nga buhaton katulo ka beses sa adlaw

(2) Sa ika-2ka adlaw —kao'g maayo sa linapwaan o preskong utanon. Pwede makahigop og diotay nga sabaw sa manok o sabaw sa utan.

Ayaw’g kalimot sa pagkao'g ginagmay matag 2ka oras. Ay'sab palabi sa tam-is. Igo na 3ka buok o hiwa sa prutas /utanon. Taas og carbo's sama sa saging, apple, uban pa, likayan. Kun di hilig sa ehersisyo, pwede sugdan nga maglakaw sud sa 20 mins.

 (3) Sa ika-3ka adlaw — Pwede na mokao'g 50ka gramos (1katasa sa oats) sa carbo's sa pamahaw, kun gusto ka'g paspas nga mogamay ang tiyan mo. Sa paniudto ug panihapon, pwede unod sa karne nga ingon posporo ang gidak-on.