Laging alaala
Ngayon ay siyudad nang San Pedro Laguna
ito’y nasa bukana ng buong probin’sya;
doo’y may balwarteng tila kakaiba
manok na lalaki nangitlog talaga!
Ang unang negosyo ay penoy at balut
mula sa pamilyang may itika’t manok
yao’y nakilalang mainam na gamot-
sa bata’t matandang mahina ang tuhod!
Pamilyang Cataquiz at saka Sibulo
umaani’t nagluluto ng itlog na ito;
sila ay nag-impok at yumaman dito
mga anak nila’y naging magkasundo!
Si Calix Cataquiz naging negosyante
nagtayo ng banko at naging alkalde;
Si Baby Sibulo lubhang may kalibre-
nasungkit ni Calix at Mayor ng city!
Ang San Pedro ay dating mabundok magubat
ngayon ay siyudad na sa sikap nang lahat;
Kasaysayan nito’y aking naihayag
si Dadong Matinik ay doon nagbuhat!
Ngayong pamilya ko’y nalipat ng bahay
nagdaang panahon di malilimutan;
sa mga okasyong ako’y naimbitahan
Si Calix at Baby -- nagpapalakpakan!
Kahit kayo’y busy sa mga gawain
sa burol ni misis kayo ay dumating;
kaya salamat ko at pamilya namin
Diyos ang bahala kayo’y pagpalain!
At sa 2016 may eleksyong pambansa
ikaw ‘Baby’ ay dapat kumandidato pa;
dapat taun-taon ay kandidato ka
tatlong term ay tapusin bago ka bumaba!
- Latest