Mga sekretong dili mangunot (1)
Kun motaas pa ang atong kinabuhi, dili gyud kapugngan ang atong edad matiguwang. Ug ang pagpangunot nga mobadlis sa agtang, dili man maoy senyales sa pagkatiguwang, kay duna may mga batan-on karon nga nangunot na nga mora’g tiguwang na tan-awon. Apan mga eksperto adunay sekreto ini.
* SESAME OIL – Sayo sa buntag sa dili pa maligo, imasahe kini sa tibuok lawas. Unya mamatikdan nga ang kutis nimo hamis, lumoy, limpyo ug buhi tan-awon.
Tungod kay ang sesame oil, motangtang sa mga patay selyula sa panit. Matud ni Liza Hedley, Founder/Creative Director sa Mayflower Inn/Spa, Washington, Connecticut, USA.
* FISH OIL – Usa ni sa mga ‘anti-inflammatories’ nga makatabang sad nga dili mangunot o tiguwang tan-awon. Gikan nga ayohon ang kasingkasing, ngadto na sa immune system, nakatabang sad ni pagpatubo sa buhok ug sa pagpahamis sa panit. Pagtumar ini og 500 mgs sa buntag ug sa gabii. Tan-awa ang label nga “pesticide free”. Matud ni Dr. Arlene Noodleman, Medical Director of the Age Defy Dermatology and Wellness Center,Campbell,California
*ANAMON PAGHIGOP - Likaye ang dinalian nga pag-inom sa kape, kay makamantsa ni sa kaputi sa ngipon mo. Ayaw iyarok, hinay-hinaya nga mahurot ni sud sa 1 ka oras, bisan sa tsa o mga dagtom nga preskong duga (juice) sa prutas. Matud ni Eliza Mello, Cosmetic Dentist, New York City.
*SIMPLE LANG – Ig-uli sa balay, maghugas lang ko og ‘drugstore cleanser’ sa akong nawong, unya butanga’g ‘moisturizer’ inighigda nako. Matud ni Dr. Karen M. Horton, Plastic Surgeon/Reconstructive Micro-surgeon, sa Womens Plastic Surgery Center, San Francisco, USA.
- Latest
