Job fair

Suma pa ining balita ning buntaga, misaka ang gidaghanon sa mga Pinoy way trabaho.

Dili ni kahibudngan, matud pa sa atong kailang opisyal sa labor department. Daghan kunong mograduwar kada tuig apan ang kurso nga ilang gigraduwaran wala kinahanglana ning panahona.

* * *

Ila kining gitawag nga “mismatch.” Pananglitan naay mga nigraduwar sa kursong nursing, apan ang daghang job openings alang niadtong nakahuman sa kursong hotel ug restaurant management.

Naa say mga job openings alang sa pagpangluto apan daghan sab ang way interes ning maong trabaho.

* **

Sa Career Guide nga imantala sa Philippine Star naay dinosenang trabaho nga naghuwat og aplikante apan daghan sa mga nangita’g trabaho dili mo-fit-in kay wa magka-match ang ilang nahibaw-ang trabaho.

Karong Oktubre 26, sa alas 10 sa buntag hangtud alas 5 sa hapon dunay job fair nga gitakdang ipahigayon diha sa Cebu Trade Hall  sa SM City Cebu. Ubos kini sa pagpasiugda sa Philippine STAR, The Freeman ug Maynimo.com.

* * *

Ang mga trabaho nga itanyag sa mga nangita’g trabaho gilangkoban og mga overseas job ug call center and local jobs.

* * *

TRIVIA.Daghang salamat sa atong mga readers diha sa mga merkado publiko ug mga paradahan sa bus, jeepney ug taxi. God bless.