Ubang mga dinastiya sa Sugbo

Labing masulub-ong kalihokan pangandam sa umaabot nga piniliay mao ang pagsubay sa opisyal nga listahan sa mga kandidato ug pagdiskubre nga hapit tanang lungsod ug dakbayan ug lalawigan sa tibuok nasud gidominahan sa politikanhong mga dinastiya.

Gawas diay sa ikalimang distrito sa Sugbo nga gidominahan sa mga Durano ug ubang distrito nga gigawongan sa labing gikaintapang mga pamilya, hapit tanang suok sa nasud gikuptan sa mga dinastiya, ang uban mas dagko ug mas pating kay sa uban. Apan managsamang nipahimus sa ilang gahom ug sa mas dagko nilang puntil pagpaburot sa ilang panudlanan ug paglugpit sa ilang mga kaatbang.

* * *

Nakugang ko pagkahibawo nga ang sunod nga labing dakong dinastiya, sunod sa mga Durano kansang 33 ka sakop nga naghupot og pinili nga mga katungdanan ug nanagan sa piniliay karong Mayo 13 atong gilista dinhi gahapon, ug labaw sa mga Ampatuan ug mga Jalosjos sa Mindanao, mao ang mga Teves sa Negros Oriental.

13 ka Teves ang akong naihap sa listahan sa mga kandidato nga gimantala sa website sa Commission on Elections (comelec.gov.ph):

1. Gary Teves (pagka Negros Oriental governor);

2. Angelo Teves (pagka 2nd District board member);

3. Boy Edwin Teves (pagka Tanjay City mayor);

4. Edgar Teves (pagka Valencia mayor);

5. Gerry Teves Sr. (pagka Bais City councilor);

6. Henry Teves (pagka 3rd District representative);

7.  Junjun Teves (pagka Valencia councilor);

8. Jvic Teves (pagka Dumaguete City councilor);

9. Lawrence Teves (pagka Tanjay City mayor);

10.  Nikki Teves (pagka Jimalalud councilor);

11.  Nilo Teves (pagka Sta. Catalina councilor);

12. Steve Teves (pagka Tanjay City councilor); ug

13.  Tiny Teves (pagka Amlan councilor)

* * *

Mga pamilyang nagdominar sa mga distrito sa Sugbo: Osmeña, Rama ug Del Mar sa Cebu City; Gullas, Bucao, Bacaltos, Basillote, Ylanan ug Aznar sa Talisay City; Selma sa Minglanilla; Chiong sa Naga City; Canoy sa San Fernando; Apura ug Barcenas sa Carcar City; ug Bacaltos sa Sibonga.

Kintanar sa Argao, Abines sa Oslob; Caminero sa Argao; Cabaron sa Moalboal; Guisadio sa Alegria; de los Santos sa Alcoy; Wenceslao sa Santander; Baricuatro sa Dumanjug; Librando sa Badian; Creus sa Malabuyoc; ug Derama sa Boljoon.

* * *

Yapha sa Pinamungajan, Espinosa sa Toledo City, Binghay sa Balamban ug Moreno sa Aloguinsan. Salimbangon ug Martinez sa Bogo City, Loot sa Daanbantayan, Mondigo sa Medellin, Escario sa Bantayan, Ilustrisimo sa Sta. Fe ug Gerona sa Tabuelan.

Sepulveda sa Borbon, Villamor sa Carmen, Arquillano sa San Francisco, Rama sa Poro ug Maratas sa Pilar ug Tudela. Cortes, Ouano ug Cabahug sa Mandaue, Alegado ug Gungob sa Consolacion ug Sitoy sa Cordova.

* * *

Email: [email protected]