Kinsa si Bam Aquino!

Karong bag-o kalit nga mibutho ang ngalan ni Bam Aquino. Kinsa man ni siya? Wala ta kaila niya … unya, mag-Senador kono. Tungod ba lang kay Aquino ang iyang apelyido? Moy gidangat!

Anyway, atong ilailahon. Niay sinuwat ni Marichu Villanueva sa Phililippine Star bahin kang Bam, giulohan “A ‘resurrected’ Ninoy in the Senate.” Sa ato pa, pagkabanhaw ni Ninoy sa Senado, in the person of Bam.

Initially, miingon si Villanueva: “He speaks almost in the same rapid-fire fashion, not to mention his wearing a pair of eyeglasses and a bearing akin to the late senator’s.”

Ang nakaila ug nasuhito ni Ninoy makaingon kono nga si Bam nag-resemble ni Ninoy, iyang sinultian ug sa iyang barug. Makaingon gani kono kita nga si Bam is a copycat, ug kadtong wala kaayo masayod sa banay sa mga Aquino, masaypan si Bam nga anak ni Ninoy.

Dili kay sa physical features lang ang panagsama nila ni Ninoy ug Bam, kundili lakip sa atong matawag nga abilidad ug katakos. Ania: “This young man is as articulate, as intellectual , as knowledgeable and has the same disarming smile as the slain Senator.”

Tinuod nga ngalan, Paolo Benigno Aquino IV, anak ni Paul, kamanghoran nga igsoon ni Ninoy, pag-umangkon nila ni former Senators Butz Aquino ug Tessie Aquino Oreta. First cousin sa bugtong anak lalake ni Ninoy, si Noynoy.

Si Bam gradwado sa Management Engineering, summa cum laude sa Ateneo de Manila University. Sa nagpanuigon pa siya’g 6, si Bam naka-deliver na’g 200 speeches sa mga tuig 1983. Pagka-11 years old, aktibong mitabang sa kampanya paglansar ni Cory pagka-Presidente batok ni Marcos, ug sa Senatorial elections sa 1987 ug local elections sa 1988, alang sa Lakas-Laban Coalition. Sa ato pa, na-exposed na siya sa politika sukad pa sa iyang pagkabata. Dili bag-o alang kang Bam ang politika.

Gitudlo siya ni former President Gloria isip Commissioner sa National Youth Commission of the Philippines sa tuig 2001 ug pagka-Chairman sa 2003 at the very young age of 26. Unsay iyang lingaw? Atong kutloon si Villanueva:

“Bam is engaged in advocacy promoting micro-business and social entrepreneurship.” Sa ato pa, mga ginagmay’ng negosyo, dili pareha sa SM, Ayala ug Robinsons. “In particular, he has been active in the promotion of the sari-sari store business through the Hapinoy Community Store Program. For this single-minded endeavor, he and Hapinoy have earned several awards from prestigious bodies and institutions, both here and abroad.”

Gisugdan ang maong programa sa tuig 2007, ug naka-establish na’g kapin sa 8,000 ka sari-sari stores, nga nagkuha sa ilang mga supply gikan sa kapin sa 160 ka Hapinoy Community Stores. Ang maong retail outlets nagkatagkatag sa mga lalawigan sa Batangas, Cavite, Laguna, Quezon, Rizal, Bulacan, Mindoro, ug Bicol provinces. Si Bam Aquino.