Ang hambog ni Tony Cuenco
AMBOT LANG - AMBOT LANG Ni Gerry Auxilio () - April 10, 2007 - 12:00am
Giawhag ni Kongresista Antonio Cuenco ang National Bureau of Investigation kon NBI sa paghimo og kasabutan tali ni Joseph Yu, usa sa mga langyaw nga nag-atubang og kasong paghimo og ginadiling drugas human ang naulahi nagdumili sa pagpakig alayon sa Philippine Drug Enforcement Agency kun PDEA tungod kay ang nahisgutang ahensiya supak sa laraw nga palingkawason si Joseph Yu sa kaso bisan pa man kon itug-an niini ang iyang mga lokal contacts kun protectors sa ilang operation sa drugas.

Matud pa sa kongresista nga kinahanglan gayod nga ang NBI mohimo og kasabutan nga makapaminos sa silot ni Joseph Yu aron kini mosugot kana tungod kay gikinahanglan kaayo ang testimonya niini aron mabulgar ang mga lokal contacts niini sa ilang operasyon sa paghimo og mga ginadiling drugas sa dakbayan sa Mandaue.

Kaingon ko ba og anaa na sa mga kamot ni kongresista Tony Cuenco ang mga pangalan sa mga lokal contacts ni Joseph Yu ug sa mga kaubanan niini sa paghimo og shabu, wa pa diay?

Dili ba kongresista Cuenco nanghambog man mo ni kongresista Roque Ablan kinsa maoy chairman sa komitiba sa drugas sa ubos balay balauranan nga anaa na kaninyo ang blue book kon listahan sa mga negosyante, politiko ug mga police nga apil sa operasyon sa ginadiling drugas nila ni Joseph Yu ug mga kaubanan? Unya nganong wa pa man mo makahibawo kon si kinsa kini sila? Pangilad o hambog ra diay tong imong gipanulti kaniadto Congressman nga inyo nang nailhan ang mga lokal contacts ni Calvin Tan, Joseph Yu ug mga kaubanan? Di ba nag ingon man mo si kongresista Roque Ablan nga adunay mga politiko, negosyante ug mga opisyal sa atong kapulisan ang apil sa mga protectors nila ni Calvin Tan, Joseph Yu ug mga kaubanan? Unya nganong makigsabot pa man mo ni Joseph Yu aron kini motug-an sa iyang mga tigpanalipod? Klarohon ta gani ni, unsa man ning imo kongresista Cuenco lipat-lipat?

Bantog ra nga bisan og giunsa nato sa paghagit sila si Cuenco ug Ablan kaniadto nga ibulgar na ang mga pangalan sa mga politiko, negosyante ug mga police opisyal nga ilang giingon nga protectors ni Tan, Yu ug mga kaubanan, aron kini sila atong mailhan ug aron dili maangin ang ubang politiko, negosyante ug police opisyal nga nagtinarong ug nagbinut-an sa ilang negosyo ug trabaho, gahi pa sa batong bantilis ang pagdumili ni Cuenco ug Ablan sa pagbulgar sa mga pangalan niini, mao diay kay hangtod karon wa pa man diay silay nailhan.
* * *
Usa ka tigpaminawan sa atong tulumanon sa radyo DySS ang nagtxt kanako kaniadtong Miyerkules sa gabii aron sa pagpangayo og tabang mahitungod sa iyang kaila nga nagpakitabang kaniya. Ang iyang reklamo atong gihatagan og pagtagad apan subo lang kay ang kompanya nga gireklamo ug atong gitawagan walay batasan. Aron ang ahensiya sa gobyerno nga hingtungdan mahibawo mahitungod sa kompanya nga abusado ngadto sa ilang mga empleyado ania akong gipatik ang txt message ni Spark nga nagpaabot sa iyang reklamo.

Super Jer naay company diha sa Mepz 1 nga dili papaulion ang ila workers gahapon pa to sila time in, straight duty tel gabie tel nw ugma pa kno cla sa hapon papaulion. Sunpleats nga company # 3402973.pls help dem, Spark.

Gd pm! Super Jer, 7am cla time in gahapn, tel nw duty ghapn ugma pa kno cla papaulion, nangaluya na kno cla gsto cla uli dli kno cla pagawason kay ugma pa kno sa hapn uli, usa nla ni txt nko, patawag kno pulis, pls help dem. Spark.

ABLAN ARON CALVIN TAN CUENCO JOSEPH JOSEPH YU ROQUE ABLAN SUPER JER
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with